Cooking Spray
.
بخاخات الزيت
.
هل هي صحية؟؟ هل هي بديل امثل للزيوت العادية؟؟ كيفية استخدامها؟
.
حاب اتكلم عن البخاخات المنتشرة في الاسواق والي يكتب عليها انها مضادة للالتصاق (nonstick)
.
استخدام هذي البخاخات راح يقلل من الكالوري بشكل كبير لان ملعقة واحدة من الزيت فيها تقريبا من مئة الى مئة وعشرين كالوري ، بينما هذي البخاخات منخفضة السعرات لان الفكرة من بخ الزيت هو توزيع الزيت على المقلاة باقل كمية ممكنة
.
وللعلم اغلب انواع هذي البخاخات يكون فيها زيوت حقيقية مثل زيت الزيتون او زيت الكانولا ، بالاضافة الى بعض الاضافات مثل (soy lecithin) و (propellant) وغالبا ما تكون بعض هذه المواد معدلة جيناتها وراثيا
.
والفكرة الخاطئة المنتشرة عند الكثيرين ان هذي البخاخات خالية من السعرات الحرارية ولهذا نقدر نبخ الكمية الي نبيها ، وهذا الشي خاطئ لان هذي البخاخات فيها سعرات ولكن مقدار قليل في حال بخينه كمية قليلة ، وكتابة صفر كالوري في الجدول يعني ان المقدار قليل جدا فيتم تجاوزه بكتابة صفر (اقل من خمس سعرات)
.
ولهذا نصيحتي
بخاخات الزيوت بالفعل بديل امثل للزيوت العادية ، ولكن لازم تنتبهون لبعض الامور
.
1. اختاروا الانواع الي تحتوي على زيت الزيتون البكر
2. لازم ما تبخون بكميات كبيرة
3. اذا حصلتوا انواع خالية من الاضافات الي ذكرتها فوق فلا تترددون بشرائها اما اذا ما حصلتوا تقدرون تستخدمونها ولكن بحرص خصوصا للي عندهم حساسية من بعض هذي المواد
.
.